Wanderung 14.09.2021

Wattwil-Liechtesteig-Wasserfluh-Köbelisberg-Wattwil

en schöni Wanderig hemer gmacht! Zerscht hemer nur de Thur entlang welle. Wo mir de aber schnell im Lichtensteig gsi sind, hemmer euis entschiede wiiter z laufe. Zerscht aber im Städtli no es Brot go poschte! I dere chline Bäckerei sind mir euis zruggversetzt i euisi Kindheit cho! Chli alt und genau de Duft womer eifach nöm kennt i de hütige Bäckereie 😋

Wiiters gohts uf d Wasserfluh. Uf de Passhöchi acho simmer scho bitz enttüscht gsi, aber hend üs schnell entschiede em Wegwieser nach Wattwil z folge, au wenn das gheisse het nooo wiiter de Berg uf ⛰⛰

Im Wald isch de en Wegwieser zum Köbelisberg gstande, also los, goh luege was de Köbeli so triebt ufem Berg? 😜

Es sehr schöns Usflugsrestaurant het üs empfange. Montag und Dienstag Ruhetag….guet isch hüt…ah wart mal….ja, Tsischtig 😂

Also d Ussicht chli gnüsse und de hopp, äne wieder abe. Unterwegs, churz vor Wattwil het üs de e schöni Linde zum Zmittag esse ufgforderet. So hemmer, doch gern s Bänkli in Bsitz gnoh und echli schnabuliert und erst denn d Rückreis nach Wattwil atrette. Schön isches gsi…und uf de Schnurre bini au 🥱🥱

Erschti Sicht uf Lichtensteig
Spiegelig uf de Thur…
Anezoome! De Garte isch es Träumli 🙂
Wasserfluh, erste Ufstieg gschafft
Retour luege derf mer, wemer fürschi goht!
Köbelisberg in Sicht, neiii, das isch ned de Köbeli 😄
au wenn zue isch, für d Gäst wird glueget
Churfirste…gaaanz dert hinne…gseh?
s Ziel nöchet
stolzi Linde!
Bänkli zum verwiile…..
… mitere fantastische Ussicht

Beteilige dich an der Unterhaltung

1 Kommentar

Schreibe einen Kommentar

Deine E-Mail-Adresse wird nicht veröffentlicht.